ရခိုင် လူငယ်

Thursday, June 4, 2009

ရခိုင်အမျိုးသားခေါင်းဆောင်ဥက္ကဌကြီးခိုင်မိုးလင်း ကျဆုံးခဲ့သော့ အာဇာနည်နေ့ အခမ်းအနားအား မဲဆောက်တွင်ကျင်းပ

Tuesday, May 5, 2009

ကျောက်ဖြူ မြို့ နယ် ရေမျက်ကျေးရွာအုပ်စုမှ ရယကဥက္ကဌ ၏မတရားမှုများကြောင်း ဒေသခံရွာသားများ ဒုက္ခအကြီးအကျယ်နှင့်ရင်ဆိုင်နီရကြောင်း ဒေသခံတစ်ဦး၏ရင်ဖွင့်ချက်

၂၃.၄.၀၉ နေ့က မယက အတွင်းရေးမှုး ၊ လ/ထ စိုက်ပျိုးရေးမန်နေဂျာ ဦးထွန်းစိန်၊ စနဲ ရဲစခန်းမှဂါတ်စာရေး ဦးစံခင် နှင့် ရဲသားတစ်ဦး၊ရေမျက်ကျေးရွာအုပ်စုမှ ရယက ဥက္ကဌ ဦးရွှေမြင့် ၊ ရယက အတွင်းရေးမှုးဦးလှမြင့်၊ ရယက စာရေး ဦးဘလှ တို့ တစ်စုဟာ ဒေသခံရွာသားများအပေါ်ခြိမ်းခြောက်ပြီးငွေကြေးတောင်းခံတဲ့ကိစပါ။ ကျွန်တော်တို.တော ရွာ တွေမှာ လူဦးရေတိုးပွားလာတာနဲ. အိမ်တစ်အိမ်မှာ (၁၀)ယောက်၊ (၁၅) ယေက် မသင့်တော် ယင်းကြောင့် သီးခြားအိမ်ခွဲဆောက်ပြီးနီထိုင်ကတ်ပါရေ။အိမ်ဆောက်တယ်ဆိုကေလေ့ အခုမှ ဆောက် တေအိမ်တွေမဟုတ်ပါ နှစ်၂၀ ကျော်က ဆောက်တေ ၂ အိမ်၊ ၁၀ နှစ်ကျော်က ဆောက်တေအိမ်က ၄ အိမ်၊ အိမ်ပိုင်ရှင်တိမှာ

၁။ ဦးစံဖိုး
၂။ ဦးထွန်းတင်
၃။ ဦးမောင်ဆန်း
၎။ ဦးကျော်စိန်ချေ
၅။ ဦးကျော်လှချေ
၆။ ဦးမောင်အေးဖြူ
တို့ဖြစ်ကြပါတယ်။
ရယက ဥက္ကဌ ကအထက်ဖော်ပြပါ အကျင့်ပျက်ပုဂ္ဂိုလ်များကြသော ဦးထွန်းစီန်၊ ဦးစံခင် နဲ့ပေါင်းပြီးလယ်ယာမြေမှာအိမ်ဆောက်ထားစွာတိကို အခုဖျက်ရမယ်မင်းရို့ ဥပဒေ ကိုနားမ လည်လား မောက်မာရိုင်းစိုင်စွာပြောပါရေ ယပြီးသနာမဖျက်ချင်ကေတစ်အိမ်ကို ငွေ (၅၀၀၀၀) ကျပ်စီ ပီးရဖို့ လို့ အတင်းအားဓမ္မလာပြီးဆက်ကြေးတောင်းခံပါရေ။ သူရို့ က(၂၅.၄.၂၀၀၉) နေ့ငွေပီးပါဆိုပြီးချိန်းထားခပြီး တစ်ခြား၇ွာတိမှာဆက်ကြေးတောင်းခံနီကတ်ပါရေ။ ယင်ကြား ထဲကျွန်တော်က မြို.ထက်သက်ဆိုင်ရာကို လားတိုင်လိုက်တေ။ သက်ဆိုင်ရာလည်းဤသို့ မတ ရားမှုကို လစ်လျူရူ့  ပြီးကေ အချင်းချင်းကျေလည်ပိုက်ကတ်တေ။ ရယကဥက္ကဌ နှင့်အတွင်း ရေးမှူး ကလည်း ယင်းကိစ္စကိုမကျေမနပ်ဖြစ်ပြီှး ခယက ကို တိုင်မယ်ဆိုပြီးခြိမ်းခြောက်လားပါ သိရေ။ကျွန်တော်တို့ ကုလားတွင်းကျေးရွာက မပီးလိုက်ရကေလေ့ ကျူလွှင့်ကျေးရွာမှကိုညီ ချေ အိမ်အတွက် (၄၀၀၀) ကျပ် ၊ ကိုသိန်းအောင်အိမ်အတွက် (၂၀၀၀) ကျပ်နှင့် တောင်ငူ ကျေးရွာမှ ဦးအောင်သန် (၁၅၀၀၀) ကျပ် စီပေးလိုက်ရပါတယ်။ဒါ့အပြင် စနဲမင်းပြင်ကျေးရွာ အုပ်စု ဘောရဘာရွာမှ ---------------
၁။ ဦးအောင်ချစ်စံ (၁၀၀၀၀) ကျပ်
၂။ ဦးပျောင်ချီးယေ (၁၀၀၀၀)။။
၃။ ဦးသိန်းထွန်း ( ။ ။ )
၎။ ဦးအောင်သိန်းထွန်း ( ။ ။ )
၅။ ဦးမောင်ဇံ ( ။ ။ )
၆။ ဦးငဖြူအောင် ( ။ ။ )
၇။ ဦးမောင်သန် ( ။ ။ )
၈။ ဦးသာထွန်း (၅၀၀၀) ။ ။
၉။ ဦးသန်းအောင် ( ။ ။ ) ။ ။
၁၀။ဦးအောင်ဘဦး (၁၀၀၀၀) ။ ။
၁၁။ဦးမောင်ပိန်ဂျာ ( ။ ။ ) ။ ။
------------- စီကိုစနဲမင်းပြင်ကျေးရွာအုပ်စု ရယက ဥက္ကဌ ဦးဦးဘရွှေ နှင့် မယက အဖွဲ့
ကိုပီးလိုက်ရပြီး ပေါက်ပြင်ကျေးရွာ၊ စနဲမင်းပြင်ကျေးရွာ နှင့်ရေချမ်းကြီးကျေးရွာရို့ မှ မပီးလိုက် ရပါ။ဒေလူတိဇာကြောင့်လာတောင်းလဲလို့လေ့လာကြည့်ရေအခါကျွန်တော်ရို ကျောက်ဖြူမြို့ နယ်မှာ တောင်သူလယ်သမားတိကိုအစိုးရကစိုက်ပျိုးရေးအတွက်တစ်ဧကကို (၃၀၀၀၀) ကျပ် စီ ဆိုပြီး ချီငွေထုပ်ချီပါသည်။ ယင်းချင့်က လည်းအမှန်တကယ်ရစွာက (၂၈၀၀၀) ကျပ်ပါ။ ရယကဥကဋ္ဌဦးရွှေမြင့်မှ(၂၀၀၀)ကျပ်စီဖြတ်တောက်ပါသည်။အဲဒီချေးငွေတိကိုလယ်သမားတိကပြန်ဆပ်ပြီးပါဗျာလ်။ ယေကေလဲ့ စိုက်ပျိုးရေး မြို့နယ်မန်နေဂျာနှင့် မယကအတွင်းရေးမှူးရို့ က အလွဲသုံးစား လုပ်ထားပါရေ။ အခုအစိုးရကိုပြန်ဆပ်မည့်အခါသူရို့ မှာ ငွေမရှိပါဗျာလ်။ ယင်းကြောင့် ကျေးရွာအဆင့်မှာ အကျင့်ပျက်နီရေရယကဥက္ကဌ ရို့ နန့် ပေါင်းပြီး ဆတ်ကြေး တောင်းခံနီကတ်တေလိုသိရပါရေ။
နောက်ပြီး ၂၀၀၇-၂၀၀၈ ခုနှစ်က ကျွန်တော်ရို့ ရေမျက်ကျေးရွာ အုပ်စုမှာကျူလွှင့်ရွာ နှင့်တောင်ငူရွာရို့ မှာ ကားလမ်းမကြီးသို့ဆက်သွယ်ပီးရေရွာအ၀င်လမ်းကို ကားတွေဝင် ထွက်လားလာနိုင်အောင် ဆောက်လုပ်ရန် စည်ပင်မှငွေသိန်း တစ်ရာကျော်လောက်ချပီးပြီး မြိုနယ်စည်ပင်မှ ကျော်လင်းထွန်းကတာဝန်ယူဆောက်လုပ်ပါသည်။ လိုအပ်သောကျောက်ကို အနီးအနားမှာရှိသောတောင်မှထုတ်ယူသောအခါရယက ဥက္ကဌ ဦးရွှေမြင့်က အုပ်စုအတွင်း ငါ့ခွင့်ပြုချက်မရဘဲမလုပ်ရဆိုပြီးတားမြစ်မှုကြောင့် လုပ်ငန်းကို (၂)လကြာရပ် ဆိုင်းထားခဲ့ရ သည်။
၂၀၀၇ ခုနှစ်တွင် အစိုးရမှ တောင်သူလယ်သမားတိထံတွင် တပ်ရိက္ခာအတွက်စပါးဝယ် ယူရာမှာ တစ်တင်းကို (၃၀၀၀)ကျပ်ဖြင့်ဝယ်ယူသော်လည်း ရယက ဥကဋ္ဌဦးရွှေမြင့်က လယ်သမားများကို တစ်တင်းလျှင်(၁၂၀၀) ကျပ်နှုန်းသာရှင်းပီးပါသည်။
ထို့အပြင် ကျွန်တော်တို့ ကုလားတွင်းကျေး၇ွာမှာ ရှေးဟောင်းရွာဦးစေတီပျက်စီးနေလို့ ပြုပြင်ရန် အုတ်လုပ်တာကို အုတ်လုပ်ကြေး ဆိုပြီး မယက ကိုအကြောင်းပြပြီး ရယက ဥကဋ္ဌ ဦးေ၇ွှမြင့်က ကျေးရွာတွင်ငွေ (၂၀၀၀၀)ကျပ်ကောက်ခံနီပါသိရေ။အခုပိုင် မတရားမှု များ ကြောင်း ဒေသခံ ရွာသူ၊ ရွာသားများ မှာ စိတ်ဆင်းရဲ လူဆင်းရဲ ဒုက္ခမျိုးစုံနှင်ရင်ဆိုင် နီရ ကြောင်း။

ကုလားတွင်ကျေးရွာ ဒေသခံတစ်ဦး

ကံကြမ္မာငင်ခ သဇင်ဘ၀

အို---ဂေါ်သဇင်
သခင်လည်းမဟုတ်
ပင်မြင်မှာလည်းမထင်ရှား
မသားနားလိုက်ဗျာလ်အသွင်
အဆင်လည်းအယင်ပိုင်
တော်မ၀င်လိုက်ဗျာလ်---------သဇင်---။

သင်းထုံမွှီးပျံ့ 
ရနံ့ လည်းပျောက်
ပွင့်လွှာလည်းခြောက်လို့ 
မြီအောက်မှာနင်းခြွီ
တပွင့်စီလွှင့်စိုင်
အညှာတိုင်ကျိုး
အရိုးကျန်ဗျာလ်သဇင်---------
အမှန်ပင်ရာနွမ်း
ကံကြမ္မာမုန်တိုင်း
အသွင်ရိုင်းလီလို့ 
အစိုင်လာလေ့ ပျက်ခလီရေ သဇင်---------။
အယင်က ဂေါ်သဇင်-----------
သူ့ အသွင်ဂုဏ်မြင့်
ဆင်ယင်ထုံးဖွဲ့ မမှီလီဘင်
တော်ဝင်ပန်းမြတ်သဇင်--------
ဖြူစင်ကြိုင်လန်း
ပန်းထဲမှာ အမြတ်ဆုံးလို့ 
ဆိုတွင်စာတင်ခရေသဇင်-------
ဦးတင်ထွတ်ထိပ်
လှရိပ်မြုံအသျှင်
ယေဘင်ယေ ယကေလေ့သဇင်---------
ကြင်နာမဲ့ရို့ ဖျက်ဆီးလီဗျာလ်ဘင်။

သျှင်စိုး(၁-၈-၂၀၀၈)

ကသိကအောက် ထို ရောက်ဒေရောက်

ထွေရာလေးပါးကို
တွေဝေမိန်မောယင်း
သဝေထိုးနီရေမနော
ရောဂါအနာကျနီရေ ပစ္စုပ္ပန်
ဘ၀င်မကျလှရေ အနာဂတ်
ထွီးလုံးပတ်လုံး........

အဟိကို အဟိအတိုင်း
မဖြစ်စွာက ဂွကျရေမနား
ချင်ခြင်းတရားကို ဥပက္ခာပြုထားဦး
သင့်၏ မသင့်၏ကိုရာဆို
ဖြစ်ဖို့မဖြစ်ဖို့စွာကို ဘေးချိတ်
သေချာစွာက ခ၀ါခရဖို့စွာဗျာလ်မနား..
တီးရေဆိုင်းနန့် ကပြနိုင်ဖို့က
ဒိုင်ဒိုင်ချိုးတတ်ဖို့ စည်းနန့်ဝါးကျဖို့လိုသိရေ..
လက်ဝါးဖြန့်ပြဖို့ထက်
လက်မထောင်ပြနိုင်ဖို့က အဓိက..
တိကျခိုင်မာဖို့အတွက်
ယုတ္တိဆန်ဖို့အခရာဖြစ်တေ..
ပုဇွန်စိတ်ချေ ပင်လယ်ကူးနိုင်တိုင်း
ဆင်ပြောင်ကြီးကူးနိုင်ဖို့မဟုတ်
အံဝင်ဂွင်ကဖြစ်ခိမှ..
တရားလက်လွတ် မင်းမူနီခြင်း
စိတ်လွှတ်ကိုယ်လွှတ် မကြည်လင်ခြင်း
စိတ်ရှိလက်ရှိ နားလည်မူတိလွဲခြင်း
မဆင်မခြင် နထင်သွီးတက်ခြင်း..
ဇာဘင်ပြောပြော နှလုံးသားထဲက
လှိုက်လှိုက်လှဲလှဲ ပြုံးပြနိုင်ခြင်းက
ယထာဘုတကျဖို့မဟုတ်လား
တမဟုတ်ချင်းမဟုတ်ကေတောင်
တမုတ် တမုတ်ချင်းနန့်
အတွင်းလှိုက်စား ဂလုံခံလားဗျာလ်..

သီးယင်းသီးယင်းနန့် ဖျင်းလားစွာတိ
အထက်ပေါ်ရီကြိုင်နီလို့မဖြစ်
အနှိုက်ကိုပါ စစ်ထုတ်မှစင်ကြယ်ဖို့
မဟုတ်ကေ
လှုပ်မိတိုင်း ထိမိတိုင်း
နောက်လားလီဖို့စွာဗျာလ်..
အရည်အချင်းက အရည်အတွက်သို့
အရည်အတွက်က အရည်အချင်း...
ဖြစ်လာနိုင်စွာဗျာလ်...
ဖြည့်လောင်းဖို့နန့် ပြင်းပြဖို့ရာ အဓိက...
ပိတ်ပိန်နီရေအထဲမှာ
ကိုယ်ကိုကိုယ်စမ်းတွိဖို့ အယင်လိုရေ..
ဇာနီရာမှာ ရပ်နီလေ
တဖက်ဖက်ကိုကျွံနီလား
အလယ်မှာ ဖဂါးစီးထားရေလား
ယပြီးသနာ
တရသီဆုတ်ထားဖို့လား
ရရွက်ချေ မသီမကျိုးထားဖို့လား
အထင်ကရကိုမတွေးခင်
တဒင်္ဂမှာ အဆင်ပြေနီဖို့အရေးကြီးလား
ရင်တမမနန့် ခြီလှမ်းတိုင်းက
ပိုလို့အလှမ်းဝီးစီရေ....
မ၀ံ့မရဲခြင်းက
ပိုလို့တုန်လှုပ်ခြောက်ခြားစီရေ..
ဥပါဒါန်ကြောင်း ဥပါတ်ဖြစ်စီရေဆိုမနား..
နင်လားငါလားကျခါမှ
အပျံသင်ကေ လောက်စာလုံးနန့်တွိဖို့..
ရောင့်ရဲတတ်ဖို့ထက် ရှာကြံတတ်ဖို့က
အချက်အချာကျရေပိုင်
ရိုသေတတ်ဖို့ထက်
ကိုယ်ကျင့်တရားကောင်းဖို့က ပိုအရေးကြီးပါရေ..........။

သျှင်စိုး(၁၀ - ၈ - ၀၈)

ကဗျာသွီးစက်

ရင့်ကျက်မှုမဲ့ရေ
ငါအတွေးအခေါ်တိ
အသိမကျယ်အမြင်နန့် 
ဆင်ခြီဆက်လက်ပီးလို့ 
ကဗျာတိရွီးလိုက်ဗျာလ်။

အမြင်မဟိ
အသိမပါ ငါကဗျာကား
ပညာမပါ ကာရံမလှ
မပီတချက် ပီတချက်နန့် 
မျက်စီးသူငယ် နားသူငယ်နန့် 
တွယ်မက်စရာမဟိပါလေ
ငါမှာခံပြင် ခါးသီးရေခံစားချက်
ငါ့ ရင်ဝက ပေါက်ထွက်ယိုစီးလာရေ
ကဗျာသွီးစက်ပါ။

ငါ၏ကဗျာ
စာမပီ လက်ရာမမြောက်
အရောင်မတောက်ပ
မမွီးအနံ့ အရွီးညံ့ကေလေ့
သွီးညှိနံ့ တော့ နံပါဖို့ ။

ငါ၏ကဗျာ
မာနမကင်း ဒေါသမစင်
အတ္တဆင်မြန်း အသွင်ကြမ်းနန့် 
မျက်ကန်းမျိုးချစ်
ထုဆစ်လက်ရာ
မချိုသာကေလေ့
သစ္စာဠိ ဌါန်အမှန်တရား
ဆုတ်ထားမြတ်နိုး
ကိုယ့်လူမျိုးအတွက်
အပ်ကြိုးမျှင်မျှ
ဆွဲတင်းခကေ ငါကျေနပ်တေ။

ငါ၏ကဗျာ
ဇာမရီငှက်ပိုင်
အတောင်ထွက်ဗျာလ်
ရက္ခပြည်သူရှိမှောက်
ဝပ်စင်းရောက်ပနာ
ငါမှာခံပြင်း ခံစားရသို့ 
ဝီးမျှခံစားနိုင်ပါစီ။

သျှင်စိုး(7.8.08)

Saturday, May 2, 2009

အလင်းနိ

ကမ္ဘာကြီးမှောင်မိုက်
တိုက်တိုက်ဖုံးအုပ်
လရောင်ပျောက်ပြယ်
မလင်းတလင်းကြယ်
အနည်းငယ်က
မျှော်လင့်ခြင်းမပြတ်
ယုံကြည်ချက်နန့်
ဇွဲသတ္တိအပြည့်ထား
ရှိဆက်လားကာ
ကြယ်ပေါင်းများစွာ
ထောက်ခံလာ
ကြယ်အော်သံများ
ကမ္ဘာကြား
တိမ်တိုက်ပြိုကွဲ
ဘေးဖယ်ပေး၍
လမင်းအလင်းရောင်
ထွန်းလင်းပြောင်သည်။

ရွှီကြီး

အက်ဒီဆင်တက်သီးခေါက်တေ'ညာဉ့်'

နီရောင်ကွယ်ပျောက် ညာဉ့်အမှောင်ကိုရောက်လို့
စမ်းတ၀ါးဝါးနန့် ထိုတိုးဒေတိုး
ဂျောက်ကျသူကကျ စူးနင်းမိလို့
အဆိပ်တက်သူကလည်းတက်
ကြောက်ဖို့ကောင်းရေညာဉ့်မှာ
လမိုက်လို့ လူမိုက်ကပျော်ပွဲဆင်
ကယ်တင်သျှင်ကြိုးစင်တက်
ခဲဝါကယာဇ်ပူဇော်ရေ အစာတိကိုစားဖို့
တ၀ူးဝူးအော်နီဂတ်တေ ညာဉ့်။

ငုသံကျွီးသံ ရယ်သံ လှောင်ပြောင်သံ
သက်ပြင်ချသံ စိန်ခေါ်သံ အသံမျိုးစုံနန့်
ဒုက္ခအတိ ညာဉ့်။

တစ်ယောက်ထက်ကိုတစ်ယောက်ပံလဲကျ
ကိုယ်ကို ကိုမမြင်ဘဲ အခြားတယောက်ကိုကူညီချင်
မျက်မမြင်လမ်းပြ အနာဂါတ်ကြယ်တိကြွီကျခရေညာဉ့်

မရှုမလှဒေညာဉ့်၏ လူသားအတွက်
'လျှပ်တပြအလင်း' ကိုကမ္ဗည်းတင်
အက်ဒီဆင် တက်သီးခေါက်
အမှောင်ထုကတောခါ ကြောက်နိန်ဗျာထင်ရေ
ဝါးလုံးခေါင်းထဲမှာ ပုန်းဗျာ မာန်နတ်ကိုအကူအညီတောင်းနိန်ရေ။

ခိုင်မျိုးသိန်း