ရခိုင် လူငယ်: ကဗျာ

Showing posts with label ကဗျာ. Show all posts

Tuesday, May 5, 2009

ကံကြမ္မာငင်ခ သဇင်ဘ၀

အို---ဂေါ်သဇင်
သခင်လည်းမဟုတ်
ပင်မြင်မှာလည်းမထင်ရှား
မသားနားလိုက်ဗျာလ်အသွင်
အဆင်လည်းအယင်ပိုင်
တော်မ၀င်လိုက်ဗျာလ်---------သဇင်---။

သင်းထုံမွှီးပျံ့ 
ရနံ့ လည်းပျောက်
ပွင့်လွှာလည်းခြောက်လို့ 
မြီအောက်မှာနင်းခြွီ
တပွင့်စီလွှင့်စိုင်
အညှာတိုင်ကျိုး
အရိုးကျန်ဗျာလ်သဇင်---------
အမှန်ပင်ရာနွမ်း
ကံကြမ္မာမုန်တိုင်း
အသွင်ရိုင်းလီလို့ 
အစိုင်လာလေ့ ပျက်ခလီရေ သဇင်---------။
အယင်က ဂေါ်သဇင်-----------
သူ့ အသွင်ဂုဏ်မြင့်
ဆင်ယင်ထုံးဖွဲ့ မမှီလီဘင်
တော်ဝင်ပန်းမြတ်သဇင်--------
ဖြူစင်ကြိုင်လန်း
ပန်းထဲမှာ အမြတ်ဆုံးလို့ 
ဆိုတွင်စာတင်ခရေသဇင်-------
ဦးတင်ထွတ်ထိပ်
လှရိပ်မြုံအသျှင်
ယေဘင်ယေ ယကေလေ့သဇင်---------
ကြင်နာမဲ့ရို့ ဖျက်ဆီးလီဗျာလ်ဘင်။

သျှင်စိုး(၁-၈-၂၀၀၈)

ကသိကအောက် ထို ရောက်ဒေရောက်

ထွေရာလေးပါးကို
တွေဝေမိန်မောယင်း
သဝေထိုးနီရေမနော
ရောဂါအနာကျနီရေ ပစ္စုပ္ပန်
ဘ၀င်မကျလှရေ အနာဂတ်
ထွီးလုံးပတ်လုံး........

အဟိကို အဟိအတိုင်း
မဖြစ်စွာက ဂွကျရေမနား
ချင်ခြင်းတရားကို ဥပက္ခာပြုထားဦး
သင့်၏ မသင့်၏ကိုရာဆို
ဖြစ်ဖို့မဖြစ်ဖို့စွာကို ဘေးချိတ်
သေချာစွာက ခ၀ါခရဖို့စွာဗျာလ်မနား..
တီးရေဆိုင်းနန့် ကပြနိုင်ဖို့က
ဒိုင်ဒိုင်ချိုးတတ်ဖို့ စည်းနန့်ဝါးကျဖို့လိုသိရေ..
လက်ဝါးဖြန့်ပြဖို့ထက်
လက်မထောင်ပြနိုင်ဖို့က အဓိက..
တိကျခိုင်မာဖို့အတွက်
ယုတ္တိဆန်ဖို့အခရာဖြစ်တေ..
ပုဇွန်စိတ်ချေ ပင်လယ်ကူးနိုင်တိုင်း
ဆင်ပြောင်ကြီးကူးနိုင်ဖို့မဟုတ်
အံဝင်ဂွင်ကဖြစ်ခိမှ..
တရားလက်လွတ် မင်းမူနီခြင်း
စိတ်လွှတ်ကိုယ်လွှတ် မကြည်လင်ခြင်း
စိတ်ရှိလက်ရှိ နားလည်မူတိလွဲခြင်း
မဆင်မခြင် နထင်သွီးတက်ခြင်း..
ဇာဘင်ပြောပြော နှလုံးသားထဲက
လှိုက်လှိုက်လှဲလှဲ ပြုံးပြနိုင်ခြင်းက
ယထာဘုတကျဖို့မဟုတ်လား
တမဟုတ်ချင်းမဟုတ်ကေတောင်
တမုတ် တမုတ်ချင်းနန့်
အတွင်းလှိုက်စား ဂလုံခံလားဗျာလ်..

သီးယင်းသီးယင်းနန့် ဖျင်းလားစွာတိ
အထက်ပေါ်ရီကြိုင်နီလို့မဖြစ်
အနှိုက်ကိုပါ စစ်ထုတ်မှစင်ကြယ်ဖို့
မဟုတ်ကေ
လှုပ်မိတိုင်း ထိမိတိုင်း
နောက်လားလီဖို့စွာဗျာလ်..
အရည်အချင်းက အရည်အတွက်သို့
အရည်အတွက်က အရည်အချင်း...
ဖြစ်လာနိုင်စွာဗျာလ်...
ဖြည့်လောင်းဖို့နန့် ပြင်းပြဖို့ရာ အဓိက...
ပိတ်ပိန်နီရေအထဲမှာ
ကိုယ်ကိုကိုယ်စမ်းတွိဖို့ အယင်လိုရေ..
ဇာနီရာမှာ ရပ်နီလေ
တဖက်ဖက်ကိုကျွံနီလား
အလယ်မှာ ဖဂါးစီးထားရေလား
ယပြီးသနာ
တရသီဆုတ်ထားဖို့လား
ရရွက်ချေ မသီမကျိုးထားဖို့လား
အထင်ကရကိုမတွေးခင်
တဒင်္ဂမှာ အဆင်ပြေနီဖို့အရေးကြီးလား
ရင်တမမနန့် ခြီလှမ်းတိုင်းက
ပိုလို့အလှမ်းဝီးစီရေ....
မ၀ံ့မရဲခြင်းက
ပိုလို့တုန်လှုပ်ခြောက်ခြားစီရေ..
ဥပါဒါန်ကြောင်း ဥပါတ်ဖြစ်စီရေဆိုမနား..
နင်လားငါလားကျခါမှ
အပျံသင်ကေ လောက်စာလုံးနန့်တွိဖို့..
ရောင့်ရဲတတ်ဖို့ထက် ရှာကြံတတ်ဖို့က
အချက်အချာကျရေပိုင်
ရိုသေတတ်ဖို့ထက်
ကိုယ်ကျင့်တရားကောင်းဖို့က ပိုအရေးကြီးပါရေ..........။

သျှင်စိုး(၁၀ - ၈ - ၀၈)

ကဗျာသွီးစက်

ရင့်ကျက်မှုမဲ့ရေ
ငါအတွေးအခေါ်တိ
အသိမကျယ်အမြင်နန့် 
ဆင်ခြီဆက်လက်ပီးလို့ 
ကဗျာတိရွီးလိုက်ဗျာလ်။

အမြင်မဟိ
အသိမပါ ငါကဗျာကား
ပညာမပါ ကာရံမလှ
မပီတချက် ပီတချက်နန့် 
မျက်စီးသူငယ် နားသူငယ်နန့် 
တွယ်မက်စရာမဟိပါလေ
ငါမှာခံပြင် ခါးသီးရေခံစားချက်
ငါ့ ရင်ဝက ပေါက်ထွက်ယိုစီးလာရေ
ကဗျာသွီးစက်ပါ။

ငါ၏ကဗျာ
စာမပီ လက်ရာမမြောက်
အရောင်မတောက်ပ
မမွီးအနံ့ အရွီးညံ့ကေလေ့
သွီးညှိနံ့ တော့ နံပါဖို့ ။

ငါ၏ကဗျာ
မာနမကင်း ဒေါသမစင်
အတ္တဆင်မြန်း အသွင်ကြမ်းနန့် 
မျက်ကန်းမျိုးချစ်
ထုဆစ်လက်ရာ
မချိုသာကေလေ့
သစ္စာဠိ ဌါန်အမှန်တရား
ဆုတ်ထားမြတ်နိုး
ကိုယ့်လူမျိုးအတွက်
အပ်ကြိုးမျှင်မျှ
ဆွဲတင်းခကေ ငါကျေနပ်တေ။

ငါ၏ကဗျာ
ဇာမရီငှက်ပိုင်
အတောင်ထွက်ဗျာလ်
ရက္ခပြည်သူရှိမှောက်
ဝပ်စင်းရောက်ပနာ
ငါမှာခံပြင်း ခံစားရသို့ 
ဝီးမျှခံစားနိုင်ပါစီ။

သျှင်စိုး(7.8.08)

Saturday, May 2, 2009

အလင်းနိ

ကမ္ဘာကြီးမှောင်မိုက်
တိုက်တိုက်ဖုံးအုပ်
လရောင်ပျောက်ပြယ်
မလင်းတလင်းကြယ်
အနည်းငယ်က
မျှော်လင့်ခြင်းမပြတ်
ယုံကြည်ချက်နန့်
ဇွဲသတ္တိအပြည့်ထား
ရှိဆက်လားကာ
ကြယ်ပေါင်းများစွာ
ထောက်ခံလာ
ကြယ်အော်သံများ
ကမ္ဘာကြား
တိမ်တိုက်ပြိုကွဲ
ဘေးဖယ်ပေး၍
လမင်းအလင်းရောင်
ထွန်းလင်းပြောင်သည်။

ရွှီကြီး

အက်ဒီဆင်တက်သီးခေါက်တေ'ညာဉ့်'

နီရောင်ကွယ်ပျောက် ညာဉ့်အမှောင်ကိုရောက်လို့
စမ်းတ၀ါးဝါးနန့် ထိုတိုးဒေတိုး
ဂျောက်ကျသူကကျ စူးနင်းမိလို့
အဆိပ်တက်သူကလည်းတက်
ကြောက်ဖို့ကောင်းရေညာဉ့်မှာ
လမိုက်လို့ လူမိုက်ကပျော်ပွဲဆင်
ကယ်တင်သျှင်ကြိုးစင်တက်
ခဲဝါကယာဇ်ပူဇော်ရေ အစာတိကိုစားဖို့
တ၀ူးဝူးအော်နီဂတ်တေ ညာဉ့်။

ငုသံကျွီးသံ ရယ်သံ လှောင်ပြောင်သံ
သက်ပြင်ချသံ စိန်ခေါ်သံ အသံမျိုးစုံနန့်
ဒုက္ခအတိ ညာဉ့်။

တစ်ယောက်ထက်ကိုတစ်ယောက်ပံလဲကျ
ကိုယ်ကို ကိုမမြင်ဘဲ အခြားတယောက်ကိုကူညီချင်
မျက်မမြင်လမ်းပြ အနာဂါတ်ကြယ်တိကြွီကျခရေညာဉ့်

မရှုမလှဒေညာဉ့်၏ လူသားအတွက်
'လျှပ်တပြအလင်း' ကိုကမ္ဗည်းတင်
အက်ဒီဆင် တက်သီးခေါက်
အမှောင်ထုကတောခါ ကြောက်နိန်ဗျာထင်ရေ
ဝါးလုံးခေါင်းထဲမှာ ပုန်းဗျာ မာန်နတ်ကိုအကူအညီတောင်းနိန်ရေ။

ခိုင်မျိုးသိန်း

ချစ်ရေးဆိုမေ

ချစ်ဦးသူပျိုနှမမှာ
ဝင်းပပချိုမျက်နှာနှင့်
လမင်းတရာအလင်းထက်သာ
ဟန်မူယာချိုစကားနှင့်
ပျူငှာသူရက္ခသူဇာ။

ပန်းမြတ်သဇင်တော်ဝင်တင့်တယ်
ပင်ဖျားမှာဝေ
သဘ၀နဂိုအလှနှင့်
ရက္ခပျိုမေ။

နုလှဖြူစင်
မြင်သူမှာငေးမောရ
စံတင်ထိုက်သူပျိုနှမကို
မေတ္တာထားချစ်ရေးဆိုမေ။

မာသောအသည်းနုနယ်သေး
ချစ်ပွဲကိုမနွဲဖူးပါ
ဆုံသောဖူးစာ
ချစ်ဦးသူကိုရာ
အချစ်ပုံလိုပြုစုချင်စွာ
ချစ်နှမရက္ခသူဇာ
ကြည်ဖြူစွာလက်ခံလိုက်ပါ။

ခိုင်မင်းညို

လူတွင်ကျယ်

မင်းဖြစ်လို့ရာမလား
အူး-----ငါဆိုကေလား------------။
ငါဖြစ်လို့ရာမလား
အူး-----မင်းဆိုကေလား----------။
သျှင်စိုး

အဖရက္ခမြီ

ဗြိန်းစောင်ဗြိန်းစောင်
လက်သံပြောင်ကေ
တောင်စိုင်ရိုးမ
ဘင်္ဂလားရီ
တုန်လီလှူပ်ခတ်
ပဲ့တင်ခတ်မျှ
ပျံ့လွှင့်ခသည်
ဗဟိုစည်။

စာပီကျမ်းဂန်
မူပိုင်ဟန်နန့်
ဝဏ္ဍအက္ခရာ
ထွင်းကျောက်စာရို့
သာစွဌါနီ
ငါရို့မြီမှာ
သက်သီသမိုင်းတုနှိုင်းမမှီ
ဟိလီသည်။

ဓညရမ္မာ
မေဃဒွါရာ
ညီညာစုပေါင်း
ရွှေထီးဆောင်းလျှက်
ရှိယင်ဆက်ဆက်
တိုးတက်ရှည်လျှား
သမိုင်းအားမာန်
ဝင့်ဟန်တင့်စွ
သာလီစွလေ
လခြမ်းမြီ။

ရှင်တော်ဗုဒ္ဓ
ကြွမြန်းခလီ
ငါရို့မြီမှာ
ရွှီရောင်ထွန်းပေါ်
ကိုယ်ငွီ့တော်သွင်း
သျှင်တော်မုနိ
တည်ထားရှိခ
အနုပညာ
ထွန်းလက်ရာနန့်
ဇာတိပုထိုး
လက်ညိုးမလွဲ
ကိုးကွယ်လီခ
ဗုဒ္ဓသာသနာ
ရောင်ဝါထွန်းလီ
ငါရို့မြီ။

အဉ္စနဂစ္ဆပ
နတ်မြစ်မယူ
မအီတန်းလွဲ
မြစ်ဝှမ်းမြေဆီ
လွန်ကောင်းလီကေ
ဆန်ရီစပါး
သားငါးပေါလျှံ
သယံဇာတ
ပေါကြွယ်ဝလီ
အဖမြီ။

ရပ်ခြားကုန်သွယ်
ကူးသန်းဝယ်ရောင်း
သယ်ယူရီကြောင်း
လွန်စွာကောင်းရာ
ကမ္ဘာဈီးကွက်
အချက်မဏ္ဍိုင်
ရခိုင်ဒင်္ဂါး
လွန်ထင်ရှားခ
သာလီစွလေ
လခြမ်းမြီ။

အမျိုးသီလ
စောင့်ထိန်းခလို့
ကမ္ဗည်းရက္ခ
စိုက်ထူခကေ
ရှိကစိုင်လာ
ထိမ်းဆက်ကာလျှင်
ဇာတိမျိုးဟန်
အမွီခံ၍
စံတင်ကတ်လီ
မျိုးအာရီယန်။

သျှင်စိုး

အိမ်မက်ဆိုး

ပျိုမြစ်နုသစ်တေ ခံစားမူတိနန့် 
အနက်ချိုင်းဆုံးတနီရာမှာ
အသည်းဆူနာမီကြီးလှုပ်ခတ်ယင်းးးး
လရောင်ရွန်းလို့ 
ကြည်နူမဆုံးခရေ ရက်စွဲတိ---------
မိုးမမြင် လီမမြင်
အရာအားလုံးကိုသတိမရလောက်အောင်ဘင်...........................
အနာဂတ်အိမ်မက်လည်းမဲ့လို့ 
ပစ္စုပ္ပန်နန့်  ပြီးပြည့်စုံလင်းလက်လို့ 
ကျိန်းတောင်ထက်မှာ--------------------------------------
ဂရင်ဂျိုင်မှာ-------------------------------------------------
လီခံပေါက်မှာ------------------------------------------------
------------------------------------------------------------------
သမာသမတ်တော့ကျခကတ်ပါရေ-
ဇာလောက်ဝီးဝီး ၀ီးစွာကို ငါကကြောက်
တောင်အလုံးတရာ တသန်းခြားပတ်စီ
ပင်လယ် သမုဒ္ဒရာ
အခုတရာလောက် ခြားပတ်စီ
နောက်ဆုံးတကမ္ဘာစီခြားလီပတ်စီ
ငါအရောက်လာဖို့ 
ယေကေလေ့
လုံးဝ...လုံးဝ လာလို့ မရရေ အတားအဆီးက
အနားမှာကာဆီးလားခဗျာလ်မဟုတ်လား
ချိုက်ဦးကမ်းပါးက လူးကျ
အကျနာခရေငါ
ခွင့်လွတ်ခြင်းလား
ပီးဆပ်ခြင်းတော့ မဖြစ်နိုင်
အိမ်မက်တိုင်းမှာ
ဆယ်တန်းကို အခါခါကျရှူံးခကေလေ့
အိမ်မက်တိုင်းမှာ
အမြဲတမ်း ဖူးစာဖက်ဖြစ်ခရေ
ဒေ အိမ်မက်ဆိုးက နိုးထတိုင်း ဒေါသဖြစ်ရရေ.......
သစ္စာစကား-------------
မိတ္တာတရား-------------
ချစ်တေစကား--------
မပြည့်ခရေ တောင်းဆု--------
ကမ္ဘာမြီကြီးလည်း သက်သီမလိုဗျာလ်
အိမ်မက်ဆိုးနန့် ရာ အယင်ဝီးပါစီ.................................................................

သျှင်စိုး